Cumartesi , Ocak 16 2021
fatr
Ana Sayfa / ٍSon Yazı / عوض الله صفری کشکولی قاشقایی لارین میللی شاعیریندن خرداد 85 مناسیبه تینه شعر

عوض الله صفری کشکولی قاشقایی لارین میللی شاعیریندن خرداد 85 مناسیبه تینه شعر

وارلیغینگ یوخلوغونگ آراسیندایام
آنگلا.گؤر تاریخینگ هاراسیندایام

غیرت لی بابالار ائل وئردی بیزه
عصمت لی آنالار دیل وئردی بیزه

سئوگی لر یولونو باروت باغلامیش
قلم لر باریشا تابوت باغلامیش

آنالار سؤزوندن دیلیم باغلی دیر
آتالار داغیندان ائلیم داغلی دیر

یارالار دیل آچمیش آغلار بو سؤزو
سؤیلر کی سویدولار گؤیدن اولدوزو

قولاغیم طعنه لی باخار سؤزومه
گیل گیلی بورماغیم گیرمیش گؤزومه

نننیده اوشاغیم دیل آچمیش منه
گؤزلریم دامچاسی سئل آچمیش منه

یارالار قالمیشلار ام چاراسینا
چاراسیز آغلارلار گؤز یاراسی نا

آج قارین عصمتی ساتمیش چؤرگه
بیلمزلیک اوخلاری باتمیش اورگه

عومرومو قویموشام قونشو دردینه
قونشودا بیر منی آلماز گردینه

مئیدانا گتیردیم هر نه واریدی
آخیردان او مندن طلبکاریدی

بیر تاریخ جان وئردیم میننت قویمادیم
بو تورپاق اوستونه ذیللت قویمادیم

آخیردان یوردومدا منی سویدولار
بیر دونیا دیلینن دیل سیز قویدولار

فاشیست لر دیلیمی سوسکا بنگزتدی
توردو بیر کؤلگه ده قولاق ترپتدی

تبریزدن قووزاندی شئرلر بالاغی
بیر وولکان سووردو عینالی داغی

یوز شهید قان وئردی اویانمادیگ بیز
تبریزینگ دالیندا دایانمادیگ بیز

آی_ ائن_ جی(اینگ) بیزیم دیر قاشقایی سوءزو
پس ندن قووزادی بو سؤز تبریزی

تبریزینگ غیرتی قویمادی یاتا
قووزانیب توردو تا آل قانا باتا

پس تبریز بیزیم دیر بیزده تبریزینگ
حقیقت یولوندان قالماسین دیزینگ

عوض اله صفری کشکولی( کوچنده)

Paylaşınız

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Cresta Help Chat
gönder